Atli Bergmann og Birkir Björnsson fóru í Héðinsfjörð í síðustu viku og veiddu vel. Næsta sumar verður Héðinsfjörður ekki lengur svo afskekktur þegar bílar bruna þar í gegn og túristar úr rútubílum spóka sig á grandanum þar sem var forðum daga versta lenging fyrir báta sem um gat á Norðurlandi. Veiðifélagarnir röktu sig fram eftir ánni og upp til fjalla og fundu væna hrygningarfiska. Atli segir frá ánni í Flugufréttum vikunnar og að auki heyrum við af lánlitlum laxakörlum á Norðausturlandi, mokum upp laxi í Bíldsfelli og heilsum haustbleikjunni fyrir norðan, ásamt með fleiru.

Alls hafa komið á land 39.959 laxar það sem af er sumri (1.sept) samkvæmt vef LV (www.angling.is) og var veiðin sl. viku 4.052 laxar. Árið 2008 er því að auka bilið en á sama tíma þá voru komnir 41.605 laxar á land eða 1.638 fleiri. Ytri Rangá er efst með 868 fiska sl. viku en Eystri fylgir næst með 766 fiska.

Mynd úr myndasafni - Eystri Rangá - Klöppin.

Nú er maðkaveiðin byrjuð og má sjá gríðarlegar tölur til dæmis úr Dölunum og auðvitað Ytri en fyrsta maðkavaktin þar skilaði 200 löxum (www.agn.is)! Ef Ytri og Eystri eru teknar út fyrir sviga er árið 2010 með vinninginn sem nemur 3900 löxum yfir landið. Spurning hvort gosið í Eyjafjallajökli hafi haft áhrif þar en það munar náttúrulega um þessa 1000 laxa úr Skógá þegar árin eru borin saman.

Fréttaritari flugur.is sló á þráðinn til helstu söluaðila veiðileyfa hérlendis og spurðist fyrir um farveg mála sem upp koma í tengslum við veiðiþjófnað og brot á reglum við vatnasvæði viðkomandi. Svör eru svipuð og í meginatriðum fara mál ekki lengra. Það er að ef aðili brýtur af sér fer hann á svartan lista hjá viðkomandi.

Halli Eiríks hjá SVFR benti hins vegar á að málin geta orðið snúin ef um er að ræða að aðili lánar nafn sitt t.d. í umsókn, því það er alltaf rétthafi veiðileyfis sem ber ábyrgð og því getur sá aðili lent í því að taka ábyrgð á hegðun annarra veiðimanna. Hjá SVFR eru brot tekin fyrir á stjórnarfundi sem svo metur

Blanda fór af yfirfalli sl. laugardag samkvæmt upplýsingum frá Lax-á (www.lax-a.is). Þetta eru mjög góðar fréttir fyrir veiðimenn á svæðinu og sérstaklega fyrir svæði 4 sem leigutakar segja að sé að margra mati skemmtilegasta svæði árinnar og einnig besta síðsumarsvæðið.

Blöndulax af svæði 3.

Þá má því búast við því að veiðin lagist heldur en sumarið hefur verið ánni ansi gott og met slegin. Lónið er hins vegar við það að vera fullt og því þarf ekki mikið að gerast til að yfirfallið komi aftur að sögn Lax-ármanna og full ástæða að fara varlega við veiðarnar.