Brotaflói í byrjun í fyrra. Myndasafn frá byrjunardögum liðinna ára er hér.
Urriðasvæðið í Laxá í Mývatnssveit og Laxárdal verður opnað mánudag 1.júní og skammt í byrjun Norðurár og Blöndu, þann fimmta. Urriðasvæðið verður nú opnað í fyrsta sinn undir nýrri stjórn, SVFR. Flugur.is hafa fregnað að mannfall sé í byrjunarholli síðustu ára, margir fastir byrjunarmenn verði ekki með að þessu sinni. Þetta á við um marga Akureyringana og Ármennina.
Þar á meðal eru menn með tuga ára reynslu í Laxá, og það í byrjun, eins og Svend Richter, Braga Guðbrandsson og Yngva Örn Kristinsson auk fleiri. Hvort þetta er fyrirboði þess sem koma skal í sumar og gamlir Laxárvinir haldi sig fjarri er svo önnur saga. Flugur.is verða með ritstjóra Flugufrétta á staðnum og senda þeir fregnir eftir fyrstu vakt. Við höfum áður flutt tíðindi af því að lífríkið sé seint til blóma í vor nyrðra og segja vanir að það hafi verið tveimur vikum á eftir því sem venjulega gerist eftir miðjan maí. Hlýindi í nokkra daga hleypa hins vegar lífi í fiska og flugur og þá hefst fjörið.
Blanda og Norðurá bresta svo á 5.júní og ekkert launungarmál að keppnisandi svífur yfir vötnum þann dag, SVFR stjórnarmenn vilja gjarnan fá fleiri laxa en þeir hjá Lax-á fyrir norðan! Staðfest er að laxinn er kominn í Blöndu en ekki alveg eins klárt með Norðurá, satt að segja engar staðfestar fréttir af fiski þar. Flugur.is höfðu hins vegar tal af manni sem vaktar Kjósina nokkuð vel og segir hann fréttir réttar af fiski þar á neðstu svæðum.
Flugur.is hafa tekið saman safn mynda frá byrjunardögum í Laxá undanfrin ár og má skoða á myndbandarásinni.
Myndasafn frá byrjunardögum liðinna ára er hér.
LEIT