Tólf félög í veiði, hvalaskoðun, útivist og sjómennsku, hafa skorað á sjávarútvegs- og landbúnaðarráðherra að friða Eyjafjörð fyrir sjókvíaeldi á laxi.
Eins og fram kemur í Flugufréttum vikunnar þá hafa tólf félög í veiði, hvalaskoðun, útivist og sjómennsku, skorað á Þorgerði Katrínu Gunnarsdóttur, sjávarútvegs- og landbúnaðarráðherra, að friða Eyjafjörð fyrir sjókvíaeldi á laxi.
Í sameiginlegri áskorum félaganna til ráðherra er alfarið lagst gegn sjókvíaeldi á laxi í Eyjafirði. "Fyrirhugað risaeldi á 10.000 tonnum af laxi myndi spilla hreinni ímynd fjarðarins, skaða hagsmuni ferðaþjónustu, valda smábátaeigendum búsifjum, bitna harkalega á villtum Atlantshafslaxi sem gengur í ár á svæðinu og að öllum líkindum eyða sjóbleikjustofnum í Eyjafirði," segir í áskoruninni.
LEIT