Helsti frumkvöðull í verndun villta Atlantshafslaxins, Orri Vigfússon, lést í gær á sjötugasta og fimmta aldursári. Orri stofnaði Verndarsjóð villtra laxastofna (NASF) fyrir 27 árum og hefur notið virðingar víða um heim fyrir störf sín í þágu verndar villtra laxa.
Hann hlaut um ævina fjölda verðlauna og viðurkenninga fyrir óeigingjarnan og óþrjótandi baráttuvilja sinn á þess sviði, meðal annars hina íslensku fálkaorðu.
Orri var einarður anstæðingur sjókvíaeldis við Íslandsstrendur og sýndi mikla þrautsegju í baráttunni gegn uggvænlegum áformum um slíkt eldi á Vestfjörðum, Austfjörðum og í Eyjafirði. Myndin sem fylgir var tekin í mars þegar hann boðaði bæjarfulltrúa á Akureyri á fund sinn á veitingahúsinu Greifanum þar i bæ til að kynna fyrir þeim hættuna sem stafar af fyrirhuguðu sjókvíaeldi í Eyjafirði.
Blessuð sé minning Orra Vigfússonar.
-rhr
LEIT