Laxar að hausti eru áberandi í Flugufréttum vikunnar en líka bleikjur og sjóbirtingar. Miðfjarðará virðist vera stöppuð af laxi og hefur verið að gefa ansi góð skot síðustu dægrin. Vatnsveður hleypti fjöri í fiskinn þar um síðustu helgi eins og við lesum um í fréttabréfinu og veðrið spilaði líka stóra rullu í Haukadalsá og Kjósinni á sama tíma en veðrið skiptir engu máli þegar Nils Folmer Jorgensen fer að veiða - hann mokveiðir stórlaxa hvar sem hann fer. Frá þessu segir í Flugufréttum vikunnar en einnig að Eyjafjarðará er á heimsmælikvarða, að grillaðar pylsur bragðast einkar vel við Skjálfandafljót og að Hörgá gaf vel í gær. Við birtum einnig mynd af sjókvíalaxinum sem veiddist í Laugardalsá um daginn (þeir sleppa víst aldrei!). Myndin er frá Grjótárstreng í Austurá í Miðfirði.
LEIT