Kóróna veiran og samkomubannið

Hvað eiga veiðimenn til bragðs að taka ef þeir lenda í sóttkví og veiðin er ekki hafin? Það er hægt að lesa bækur, horfa á Netflix eða línulega dagskrá hjá Rúv. Það er hægt að taka upp fluguhnýtingardótið og smíða síðustu flugurnar áður en veiðin hefst. Eins er gaman að skoða skemmtilegar síður tengdar veiði, horfa á  veiðimyndbönd og svo mætti lengi telja. 
Fyrir þá sem vantar bækur til að lesa þá færðu þær sendar heim að dyrum ef þið verslið hjá Salka.is

Við hjá Flugur.is mælum auðvitað sérstaklega með að þið skoðið vel síðuna hjá okkur og kynnið ykkur það geysilega magn af veiðitengdu efni sem hérna er. Þið getið kynnt ykkur góð ráð, lesið skemmtilegar sögur eða fundið út hvernig þið eldið síðasta fiskinn úr frystikistunni. 
Það er þjóðráð að gerast áskrifandi af hinum vönduðu Flugufréttum sem berast vikulega í pósthólfið hjá þér. Smelltu hér til að gerast áskrifandi!

Það er svo fátt sem færir mann nær sumrinu og útivist í náttúrunni en veiðimyndbönd. Hérna er eitt skemmtilegt frá Labrador sem sýnir þurrfluguveiði á laxi með Bombers. Smelltu hérna til að sjá myndbandið á Vimeo.
Auðvelt er að kafa dýpra inn í Vimeo því það koma upp nettar 124.000 myndbandaniðurstöður ef maður stimplar inn Fly fishing sem leitarorð.

Við mælum líka sérstaklega með podcastinu Flugucastið sem er aðgengilegt bæði í gegnum Spotify og Soundcloud. 
Þá hafið þið eitthvað að gera í sóttkví gjörið svo vel. 

Munið svo að þessu liðnu þá fer veiðitímabilið af stað og á flestum stöðum ætti maður auðveldlega að geta haldið 2 metra fjarlægð frá náunganum og notið sín í botn við vötn eða ár landsins.